Ağdərədəki yanğın söndürüldü

Ağdərə rayonu Suqovuşan kəndi ərazisindəki yanğın söndürülüb.

News365.az xəbər verir ki, kəndin dağlıq ərazisində baş vermiş yanğın FHN-in yanğın-xilasetmə qüvvələrinin yüksək peşəkarlığı və əməkdaşların xüsusi fədakarlığı sayəsində daha geniş sahəyə yayılmasına imkan verilmədən tam söndürülüb.

Bundan əlavə, Qubadlı rayonunun Qayalı kəndində də açıq sahədə baş vermiş yanğın ətraf ərazilərə yayılmasına imkan verilmədən qısa müddətdə söndürülüb.