Fatih Altaylıya 5 il həbs tələbi olundu

Türkiyədə tanınmış jurnalist Fatih Altaylı barəsində "Prezidentə qarşı təhqir və təhdid" ittihamı ilə cinayət işi açılıb. Hazırda Silivri Həbsxanasında saxlanılan Altaylı üçün 5 ildən az olmamaq şərti ilə azadlıqdan məhrumetmə cəzası tələb olunur.

Altaylı, YouTube-da canlı yayım zamanı səsləndirdiyi fikirlərə görə əvvəlcə saxlanılıb, sonra isə həbs edilərək həbsxanaya göndərilib. Ona qarşı Türkiyə Cəza Məcəlləsinin 310/2-ci maddəsi ilə 106/1-ci maddəsinə əsasən "Prezidenti təhdid etmək" ittihamı irəli sürülüb.

22 iyun tarixində Silivri həbsxanasına köçürülən Altaylı üçün prokurorluq artıq ittiham aktını hazırlayıb. Sənəddəki cəza tələbi əvvəlki istintaqın tələbi ilə eynidir – jurnalistin 5 ildən az olmayan müddətdə həbs edilməsi.

İddianamədə qeyd olunur ki:

“TCK-nın 310-cu maddəsinin izahatında göstərilir ki, Prezidentə qarşı sui-qəsd törədilməsi qəsdən adam öldürmə cinayətindən fərqli olaraq xüsusi bir cinayət kimi müəyyən edilib. Prezidentin və ya dövlət başçısının öldürülməsi ifadəsindən istifadə edilməməsi məqsədilə uzun müddətdir istifadə edilən ‘sui-qəsd’ termini seçilib. Həmçinin 310/2-ci maddənin əsaslandırmasında göstərilir ki, Prezidentin şəxsiyyətinə qarşı edilən bütün fiziki hücumlar (təhqirdən başqa) bu çərçivədə qiymətləndirilməli və cəzalandırılmalıdır.”

Hazırda Altaylı ilə bağlı məhkəmə prosesi gözlənilir